(商業贊助,請點擊瀏覽詳情)

Friday, February 16, 2007

登登登登!太皮費盡九牛二虎之力花了三十個小時製作的最新麻由子短片發佈!



本片網站:http://www.youtube.com/watch?v=TbWWPlotBzY

【本Blog消息】歷時不知幾耐,花盡太皮多少個晝夜,花盡心思花盡愛意,花了整個情人節製作的最新福田麻由子短片終於完成並於今日上載到全球勁爆人氣短片瀏覽網站Youtube。太皮向記者透露,今次短片製作不計工本,希望可以彰顯其愛國愛澳的情操,以及其促進中日兩國友誼的精神;他又指,上次製作的麻由子短片兩個多月瀏覽量已達六千多,單一作品已接近本Blog的瀏覽數字,成績理想,希望這個新的短片能夠再下一城,增取更好成績。

  太皮向記者說,這個短片主要使用了Mr. Children(孩子先生)的歌曲MV《しるし》(印記)為藍本,這首歌也是與福田麻由子一起在《女王的教室》演出的志田未來主演的劇集《十四歲的母親》的主題曲。他在資源有限及設備簡陋的情況下,盡量發揮創意和想像力,加入少許故事性,創作了這個長達八分多鐘的短片。


  他稱:「今次的短片製作難度比上一集艱苦上好多倍,上一集我只用了半個小時左右就做了出來,今次我從資料搜集、設計劇本、剪輯片段、輸入效果,箇中辛勞不足為外人道,非充滿愛意及專注不能為之。」太皮說著兩眼充滿淚水,他又進一步說:「上次的短片只是以一條音軌加上圖片,不用理會片段間的銜接,今次某一片段的加減都將影響整個短片,變了歌唱者不夾口形,因此我已多次推倒重來。」他屈指一算,這個短片最少用了他三十個小時,包括情人節的晚上。

  太皮特別提到,由於這些片段都是由非法途徑取得的,因此他在片段後加上版權屬於原材料擁有者的字眼,他笑言這是偽君子的表現,但或者可以避免被Youtube刪除的厄運。問到他花那麼多時間製作短片的目的,他說,一來不知為甚麼,他一見到麻由子內心就充滿溫暖,俗慮全消,一些怨忿莫名的事也會突然間消失得無影無蹤;二來他希望以身作則,做愛國愛澳的年輕一代,為中日兩國人民世代友好一盡綿力;三來可以放鬆自己;四來可以學多點東西;五來純粹覺得好玩;六來可以滿足虛榮心;七來可以刺激本Blog的瀏覽量。

  太皮真的那麼喜歡麻由子嗎?他想也沒想便說「是」。那麼太皮對她有妄想嗎?他笑稱沒有,他只需見到麻由子就開心了,對她沒任何妄想,不過好希望有機會跟她來張合照。讀者可能好關心太皮的感情生活,他沒正面回答記者問題,只是十分自信地表示:「如果我用製作麻由子短片的精神和心思來溝女,一定溝死女!」

  本Blog記者 滅情浪子

12 comments:

中山樵 said...

太皮兄:

你好啊,我係中山樵,係間尺呢條八佬send你呢個entry俾我,佢話文人啲品味與眾不同喎。你鍾意福田麻由子,我就鍾意蘇玉華。我今個寒假就好有福氣地去左佢fan club幫佢搞ge生日會,仲攬住佢影左好多相添,超開心,超幸福啊,呵呵~~

希望日後太皮兄去日本,或者麻由子去澳門ge時候,太皮兄都可以去一睹芳顏,一親香澤。:D

Louisa的超級fan中山樵上

眉間尺 said...

學小脂話齋...你0地真係"熱戀的狂喜"
^^"

與偶像可望可及是一種幸福
可恨我已告別曠男生涯
靈魂肉體完全地奉獻給女朋友了...
= =+

Anonymous said...

妖~!使唔使出埋新聞稿先?
學埋哂而家賭場啲浮誇嘢呀?!~
太皮...你變咗喇~!!
要不要搞個首影tim呢~?

Janet.

皮耶 said...

中山樵,
多謝來做客,看了你的blog,不單止的攬住蘇玉華,而且佢仲攬住你,想像到你果一刻一定興奮到傻左!

尺佬,
我的精神永遠都會留一個園地給小麻由.

靚女,
咪傻啦,新聞稿邊係賭場發明架。

中山樵 said...

太皮:
嗰晚真係興奮到傻左!Louisa個經理人仲讚我唱歌掂,哈哈哈~~
不過衰就衰在,我嗰晚個look唔及我半年前ge三成,執唔到最正ge樣嚟見Sa,好遺憾囉…
更衰ge係,我嗰晚驚夜得滯冇地鐵搭,所以局住走先,但佢地班人跟住竟然留左好耐都未走,仲要唱左好耐K…orz
我好想唱歌俾Sa聽啊,嗚嗚嗚…

尺佬:
係呀,我認,我係熱戀,我係狂喜
你恨唔到架啦~~

太皮 said...

中山樵:
乜咁失策啊...不過,你實有機會再見佢既...

陸奧雷 said...

呢度越來越意識不良...

中山樵 said...

阿陸生你妒忌我同皮爺都有自己鍾意ge人?

賀 said...

皮哥,新年快樂
今日發大財

你個片好掂,你幾時教我整下
haha

希望今晚贏波的太皮 said...

陸,
唔係咁意識不良啊?

樵,
你地有乜瓜葛?阿陸佢現家每日都有公主陪住。

賀,
你日日都發大財啦!你得閒搵我我咪教你囉,好簡單咋!

中山樵 said...

皮:
公主? 咩人嚟架? 皮爺可唔可以爆啲野嚟聽吓?
陸真令人羨慕...
我都想舞台劇王后陪吓我啊

太皮 said...

樵,

呢d野,你有興趣知道不如到佢的blog留言啦!
點擊呢度

Hangman