Monday, February 12, 2007

新葡京&我要請高人吃飯!

  昨日新葡京開幕,豪華有餘驚喜不足,可見倉促行事不會有好結果。由於站了成日,現在沒甚麼力氣寫東西,不過我想說新葡京開幕真的沒有想像中那麼哄動。貼幾張相出來大家看看,不收錢的。
新葡京密斟
新葡京何鴻燊
新葡京制服
新葡京靚女
新葡京聚寶盆

新葡京賭台
新葡京場面

新葡京
新葡京水晶
新葡京表演

新葡京與舊葡京
  做完新葡京,抖了一陣,便到新口岸的拉丁區咖啡室與展鵬靚哥及曉陽靚姐見面,在座還有靚仔Sam。曉陽靚姐是《亞洲周刊》的編輯,今次也是來參加新葡京開幕禮的,是一個很親切的人,沒甚麼架子或者沒有擺一個前輩的樣子出來,難怪希痛靚女用十分失望的語氣表達緣慳一面的惆悵。展鵬靚哥說話很優雅,有條不紊,保持一定的速度又唔會吞吞吐吐,很明顯是一個對自己很有信心的人,我有時都想學學他講話,可惜三句唔埋我就會講粗口。忘了問他看了《生日快樂》未,想叫佢寫下感想。Sam平時見得多,佢都係一個好Nice的人。原來澳門真係好細,展鵬靚哥與曉陽靚姐是同學,Sam是他們的師弟,而我分三階段認識他們。因為我幫曉陽靚姐寫過稿,因此佢想同我聚一聚,今次真係聚一聚,大家互相了解多一點,沒有傾成甚麼生意。


  我總係覺得展鵬靚哥同我的好友早泄夫先生會傾得埋,佢地都在法國和英國逗留過一陣,說話都是那麼優雅,而且穿衣服都很考究,不過早泄夫容易發老脾,展鵬靚哥應該唔會,有機會介紹佢地識下。


  今次飲野係展鵬靚哥請的,想一下我蹭夢子大神及小脂老祖等高人的野食太多了,是時候考慮回報了。


  和大家玩一個遊戲,下圖是新葡京的嘉賓簽到板,有一處地方很詭異,大家發唔發覺?估到請留言啦!


新葡京詭異

12 comments:

Anonymous said...

曹...達...華...?
連呢位華哥都黎留名,新葡京魅力真係大啊...><

Anonymous said...

據聞佢好鍾意賭錢的
真係死都要返生來新葡京

Anonymous said...

其實唔好計軟件喇
新葡京剩係硬件
都好叫人失望
一d 都唔夠grand
裝修同星際金都水晶宮一樣咁娘
都幾失望

Anonymous said...

曹達華???

Anonymous said...

個間嘢的風水佈置真係好勁,感覺唔舒服,雖然個場學足金沙,但真係無金沙的舒服.昨夜陪兩位朋友去玩,佢地玩什麼輸什麼,損手爛腳!果然係門前刀把把利!你要小心啦,爛賭鬼!

Anonymous said...

哎ya,話明遊戲,我應該特登影得隱蔽d,而家真係咁容易畀人估到。

小管家,
係,新葡京的「鬼魅」力大。

尺佬,
新葡京無乜特色,它做的人哋金沙同星際早就做了。

小夢大人,
你咁樣講好容易勾起我的賭癮喎!

其實我估唔係有一個人同曹達華同名同姓,而起曹達華生前應該係葡京常客,有人為紀念他而寫上去姐。

Anonymous said...

皮仔,
嘩..好驚呀...
睇到你呢篇野,我馬上在msn傳給"曉陽靚姐"睇,你令我們二人陷於極度不安尷尬中....(雖然的確幾好笑.....)

Anonymous said...

(不是不是靚哥)展鵬哥:

我寫完之後以為只有自己不安,估唔到仲有人不安過我..............

Anonymous said...

下?曹達華都0黎左?唔係隻馬!

Anonymous said...

咁咪係,好得人驚家麻....

Anonymous said...

我見到...曹達華

太皮 said...

你做乜要匿名啊,莫非你就係傳說中的曹達華?