Monday, July 21, 2008

代價

(極上美女但低B的Janice Man)

裡PC的燒碟機大概在今年初就出了問題,燒DVD時五隻裡面總有一隻燒錄失敗(DVD要作廢),雖然燒不到DVD,但仍可燒CD,也可看DVD和CD,湊合着用到五月中,燒碟機的問題惡化起來,燒五隻DVD,最少有4.5次燒不成功,雖然DVD不用作廢,但費時失事,電腦裡囤積了大量影音文件。

  對電腦軟件的配置我有一定心得,但對於硬件卻不甚了了,我一直以為換燒碟機要花上千元,而自己是不能換的,一定要拿到電腦公司去換,結果我便一直拖,拖到真是忍無可忍了,碰巧公司要拉寬頻線,我就詢問電腦人員買一個燒碟機要多少錢。他告訴我廠價二百多元,我便央他代為購置。那時我還以為那些燒碟機一定是沒有包裝,像一件剛拆下來的零件一樣。但過了幾天,那個人還未拿給我,而我的電腦雖然有數百G的硬碟儲存量,但也快要爆燈了,我又問了另一位朋友燒錄機要幾錢,他說三百多,或者兩百多。

  我便叫那電腦人員不用幫我買了,星期六我自己去到幸運閣,隨便找了一間電腦店,向店員一說他便拿了一盒包裝精美的東西給我,說:280元(可能其他地方便宜點)。那盒東西有齊hp燒碟機、數據傳輸線、螺絲和Nero燒錄軟件,還有一年保養證明。我拿回家,拆開電腦安裝,把舊的燒碟機放在第二格,把新的燒碟機放在第一格,開電腦一試,運作順暢,這個困擾我大半年的問題,不到一個鐘以及不用三百元就解決了。

  我們遇到很多問題,除了會找各樣的借口讓自己不去解決之外,有時還會以為解決一個問題要付出高昂的代價而讓自己卻步,結果這種“以為”,便局限了我們不去嘗試。我們以為去一次旅行要花很多錢而寧願把錢花在吃幾餐飯上,卻不知道旅行所花的費用有時比不起吃一餐日本菜大餐;我們以為為了理想而努力將會付出很多代價,卻不知道理想有時需要的代價不多,反而有可觀的回報;我們以為去追求一個心愛的人要付出很多代價,卻不知道愛情的回報有時是出乎意料的。

  有時我們把代價看得太嚴重,錯失了很多難得的機會。

7 comments:

眉間尺 said...

你個”新近回應”功能都虧0左
幾時搞下佢呀

陸奧雷 said...

呢篇野,要投稿啦

Anonymous said...

尺,
真係虧咗好耐,但都仲未找出原因,因為用laptop又睇到,這個問題要處理好,真是要花上半日啊!

雷,
哈哈,多謝你欣賞!我仲有好多貨啊!

Anonymous said...

當我仲認為Maggie Q係名模極品0既今日,原來班妹妹仔已經時常以討論Angelababy,Janice Man 0既緋聞八卦為樂.....囧......

個日睇[東張西望],採訪Angelababy個緋聞男友...當男友話阿An係自己心目中女神之後,位主持就問"甘你最欣賞距D咩啊?"..男友即刻回答"樣靚囉".....

原來生得個樣靚,真係大曬......

Anonymous said...

nic,
靚女不嬲都多人鐘意,就好似靚仔同有錢佬都多人鍾意,咁有咩特別呢?那個人話因為對方靚而鍾意佢,有咩問題?如果你問一個普通女仔的男朋友點解會鐘意個女仔,佢會話對方大方得體,等等,唔一定話靚,靚唔係大曬的,只係一個有利條件,你揀男朋友都唔會搵三尖八角甩皮甩骨的啦!

Anonymous said...

靘既做女友.正常!..
但搵老婆就要搵賢慧...菲

太皮 said...

菲,
搵老婆同女朋友都一樣,兩情相悅就得了。