Monday, July 07, 2008

周六周日,兩個講座


(一)

  周六有由馬家輝林玉鳳主講的講座,不少人慕名而來,場面算是幾熱鬧。馬家輝說了些自己與澳門的趣事,特別他提到自己曾經好賭一節,再次證明我的睇法,就是思維越活躍,越有創意的人越容易沉淪賭海,因為多巴胺十分豐富之故。其實講座有些不切題,但因為馬家輝的演講技巧十分出色,沉着而從容不逼,增加了內容的吸引力。很多逛書展的市民都圍攏在講座周圍揀書,但依我觀察他們以揀書為形,聽講座為實,澳門人對表達自己的喜好也是相當含蓄的。整個講座安排得不是十分好,聽眾又沒有針對性,馬家輝自然也不知講甚麼好,不過像他那樣飽讀詩書,見多識廣的人隨口說說也會十分吸引。

  說到馬家輝為何近年集中書寫澳門,他自己的講法是害怕自己不久人世,其實正如林玉鳳提到的香港媒體近年較關注澳門,我覺得馬家輝只是也趕在書寫澳門這個時髦的潮流上罷了,如果澳門經濟不發展,沒有區域議價能力,我認為馬家輝也未必會專門書寫澳門,因為寫咗都未必有人睇。

  其實這個講座有點委屈了馬家輝和林玉鳳,特別是馬家輝,希望他下次有機會能好好地在澳門主持一個講座。

(二)

  周日到自己主講,情況正如自己所料的糟糕。由於自己一早知道結果而沒有主動挽救,其實我也有責任。不過講座的環境設置也實在糟透了,講台下最少都應該墊高一層讓觀眾見到你,否則講者與聽眾處於同一水平,難以構成傳輸與接受的心理。我無意評論其他人的表現,因為題目叫“漫畫是甚麼一回事”本來就有些問題,我一位朋友就說這個主題等於沒有主題,題目沒有針對性,聽眾也沒有針對性,除非我是黃玉郎,否則真是難以吸引到觀眾。主講者太多也不好講,除非有一個十分出色的主持,如果主持像記者一樣問主講嘉賓問題,能引導和控制節奏,其實一切易辦更多。

  事實上,這個講座對我沒有壞處,這是我第一次主講講座,以前有很多次講書的經驗,都可以吸引到學生和控制到節奏,但講座則不同,很多事情都不在你掌控之中。這個講座遇到好多問題,包括主題的設置,與其他主講者的協調,臨場的準備和應對等,對我以後做同類事情有好多幫助。

  昨日我覺得最委屈的是我的漫畫,那些雖然不是價值連城的珍藏,但我翻箱倒櫳找了一天才找到,有些如《如來神掌》第一期和《中華英雄》第一期已很難找到,然而現場卻沒有知音人,甚至有人跟我說阿哥屋企都大把,不禁讓我心頭一冷。漫畫啊漫畫,委屈你們了。

  感謝昨日冒雨專誠捧場的朋友,好彩有你地撐場,場面才不至於那麼冷清,特別要感謝素未謀面、攜眷出席的小管家,真係唔話得。

21 comments:

眉間尺 said...

本地講者妥屈都無咁緊要
馬家輝來澳門新聞稿同宣傳都唔做
主辦者真係要好好改進

天雨關係有所影響一早預0左
但有時都要遷就其他講者意見
做澳門人真係幾難幾煩

小管家 said...

哈...其實多謝既人應該係我,因為我可以從你地既講座入面得到啟發~
記得Q&A環節入面有位人兄提及澳門為何欠缺本土漫畫創作.其實在下有位朋友以前係馬交從事動漫行業,後來覺得澳門前景與範圍根本沒有發展空間所以移至香港,所以我覺得動漫問題不止市場,甚至涉及澳門人眼界問題...
抱歉沒有主動發言,因為我對動漫之事仍處於學習階段^^

Anonymous said...

吓,無主持?咁四個傻佬坐係度點講嘢?果然係動漫人,咁得意!

Anonymous said...

眉,
可能佢以為馬家輝同李登輝係同一路人,想搞對抗。

小管家,
總之多謝你咁畀面啦,有機會再好好聊聊,那天真是很亂很白痴!

夢,
總之你見到,都會覺得十分搞笑。

Anonymous said...

我也在呀..........

終於見到你既真身....都唔係好肥呀!

我和哥哥也是看中華英雄大既...火四郎係我偶像..正

Anonymous said...

尺,

多謝你的留言....
但你的msn是否常用的???
總聯絡不上...

Anonymous said...

菲,
你出現都唔單聲啊!你唔係坐咗係度我唔知啊?
你去阿眉的blog度留言啦,呢度佢未必睇到。

Anonymous said...

=_=皮哥,

眉間尺米主持囉。

講都無謂,事前不聽我言,吃龜在眼前。:p


to:夢大編
果個書展的講座安排,你到場,就知好笑...四個字:xxxx。(xxxx,自己估)

Anonymous said...

賀大爺,
你唔好講嘢,一講嘢我就想打七你。
事前有問題的係你,你應該做主持,而唔係由個講者做主持。畀你搞禍曬!
不過點都好,多謝你讓我接觸一次失敗的經驗。

Anonymous said...

皮爺~~你賴我都無用
呵呵
其實我覺得講座ok,你地講得好好架啦~~

Anonymous said...

賀,
我唔想賴你,我想打七你!

Anonymous said...

come on baby~~~圗

眉間尺 said...

賀!皮!
全部錯都係因為我
你地唔好隻抽啦:P
我一個打你地兩個


請ADD多一次
ruleruler@hotmail.com

Anonymous said...

我當天冇坐下,只是路過.....企左十零分鐘.

Anonymous said...

賀,
傻啦,你咁可愛,邊捨得打你?錫你都嚟唔切啦!

眉,
係啦,一日都係你太靚仔啦!

菲,
企咗十分鐘?我眼神有冇稍過你?無乜印象。

Anonymous said...

冇呀......我只是個中年肥c9.

唔係靚女,你係點會望呀...

Anonymous said...

不下次我可以做你的公司儀..

最多唔收你錢啦....哈哈.

Anonymous said...

菲,
最主要係我演講時好專注,我只係望住啲空氣,甚麼都望不到才真。

Anonymous said...

如你不介意,我可以比一些意見嗎?(我有點公開演說的經驗)我又是插花演示的導師.近來都讀了好些演講課程.

要多些跟觀眾眼光交流,跟隨他們的表情而調整說話的速度和聲浪,語氣..有些地方要說得慢一點,稿是你寫的,反轉讀你也知道下一句啦,當然你會很明白清晰,但我們還來不及理解,即catch up唔來.就轉了.台.:(
你似在讀稿,讀完就完成責任.鬆一口氣...:)

你要了解你講座的目的和對象,是要分享經驗?知識教育?發掘他人興趣?.....對咩人又要講咩野去吸引他們坐下來,開頭3分鐘好重要.
你講d野,有d靚仔都冇接觸過,正所謂聼都未聼過,呀叔....點會有興趣,而家靚仔靚妹又唔care人地feeling,唔立即起身話悶己經好俾面.所以就算坐係到都係唔投入,冇feeback.

小小意見,希望你唔好介意我多事...菲

Anonymous said...

菲,
哈哈,多謝你咁用心同詳盡的意見啊!雖然當日的情況好多都唔受控制,但我會改善的,如果還有機會讓我演講的話。

Anonymous said...

萬事起頭難,,,,,,,,

努力!努力!